(१) प्रतिवादी प्रहरी हिरासतमा भए न्यायाधिकरणमा दर्ता भएको
अभियोगपत्र र तत्सम्बन्धी लिखत प्रमाणहरूको एकप्रति अभियोग दर्ता हुनासाथ
न्यायाधिकरणले प्रतिवादीलाई दिनु पर्नेछ ।
(२) नियम ९ बमोजिम प्रतिवादीको नाममा म्याद जारी भएको अवस्थामा प्रत्येक
प्रतिवादीका निमित्त एक एक प्रतिको हिसाबले अभियोगपत्र वा तत्सम्बन्धी प्रमाणको
नक्कल प्रतिहरू म्यादका साथ पठाइदिनु पर्नेछ ।
तर एकाघरका प्रतिवादीहरू जतिजना भएपनि अभियोग र तत्सम्बन्धी लिखत
प्रमाणको एक प्रति नक्कल मात्र पठाईदिए पुग्नेछ ।
(३) नियम ९ बमोजिम टाँस गरी वा सूचना प्रसारण वा प्रकाशन गरी म्याद
तामेल भएको अवस्थामा प्रतिवादीले यस नियम बमोजिम पाउने नक्कल न्यायाधिकरणमा
प्रतिवादी उपस्थित भएपछि न्यायाधिकरणबाट प्राप्त गर्न सक्नेछ ।
(४) यस नियम बमोजिम प्रतिवादीलाई दिनको लागि आवश्यक पर्ने अभियोगपत्र
र तत्सम्बन्धी प्रमाणहरूको नक्कल वादी पक्षले अभियोगपत्र दर्ता गर्दाको अवस्थामा
अभियोगपत्रसाथ पेश गर्नु पर्नेछ ।